Description

Бүтээгдэхүүний найрлага: 1 бүрхүүлтэй шахмал нь: 500 мг ципрофлоксацин агуулдаг (моногидратын хлорид хэлбэрээр)

АНХААРУУЛГА

Цээрлэлт: Бэлдмэлийн найрлаганд ордог бодисуудад хэт мэдрэгшил урьд нь илэрсэн тохиолдолд хэрэглэж болохгүй. Солбицлын хэт мэдрэгшил үүсч болзошгүй тул бусад эмийн бэлдмэлд харшлын урвал илэрсэн бол энэ тухай эмчдээ мэдээлэх шаардлагатай. Жирэмсэн, хөхүүл үед, өсөлтийн насны хүүхдэд зайлшгүй шаардлагатай тохиолдолд хэрэглэнэ.

Болгоомжлол: Төв мэдрэлийн тогтолцооны хямралтай (уналт таталт, тархины цусны эргэлтийн алдагдал, сэтгэцийн өвчин), бөөр буюу элэгний дутагдлын хүнд хэлбэртэй өвчтнүүдэд онцгой шаардлагатай үед хэрэглэнэ.Эмчилгээний үед өдөрт хэд хэдэн аяга ус уух шаардлагатай. Энэхүү арга хэмжээ нь бэлдмэлийн гаж нөлөөг багасгана.Зарим өвчтөнд гэрэлд хэт мэдрэгшил үүсч болзошгүй тул нарны шууд тусгалаас зайлсхийх шаардлагатай.Хинолоны бүлгийн бэлдмэлээр эмчлэх үед шөрмөс үрэвсэж тасарсан ганц нэг тохиолдол бүртгэгдсэн тул эмчилгээний үед шөрмөсний орчим өвдөх (ялангуяа эрээн булчингийн шөрмөсний орчим) шинж илэрвэл эмчийн зөвлөгөө авах шаардлагатай.Эмчилгээний үед биеийн хүчний хүнд ачаалал авахаас зайлсхийх шаардлагатай.

Онцгой анхааруулга: Ципрофлоксациныг ердийн тунгаар хэрэглэхэд зарим өвчтөнд толгой эргэх, ядрах шинж илэрч болзошгүй тул ялангуяа согтууруулах ундаа хэрэглэсэн суурин дээр хөдөлгөөн сэтгэхүйн хурд удааширна.Тиймээс тээврийн хэргэсэл жолоодох, машин механизм дээр ажиллахаас өмнө өвчтөнд бэлдмэлийн үзүүлэх нөлөөг тогтоох шаардлагатай.

Гаж нөлөө: Ципрофлоксацинаар эмчлэх үед дотор муухайрах, суулгах, бөөлжих, хэвлийгээр өвдөх, толгой өвдөх, ядрах, цочимтгой болох, арьсан дээр тууралт гарах, толгой эргэх шинж илэрч болно. Гаж нөлөө ихэвчлэн хөнгөн илэрч хурдан намддаг. Гаж нөлөө хүчтэй буюу удаан илэрвэл эмчийн зөвлөгөө авах шаардлагатай. Зарим маш ховор тохиолддог гаж нөлөө болох гэрэлд хэт мэдрэгших, ухаан балартах, халуурах, арьсан дээр их хэмжээгээр тууралт гарч загатнах, нүүр, хүзүү хавагнах, хөл хүчтэй өвдөх (шөрмөсний орчим) ба сонсгол, хараа, мэдрэхүйн хий үзэгдэл илрэх зэрэг шинжүүд илэрвэл яаралтай эмчийн зөвлөгөө авах шаардлагатай.Тун хэтрэх:Нэг дор олон шахмал хэрэглэсэн тохиолдолд яаралтай эмчийн зөвлөгөө авах шаардлагатай.

ЗӨВХӨН ЭМЧИЙН ЖОРООР ОЛГОНО!